Camp Hankavan by AMAA

05/08/2026

Բնության գրկում անցկացրած օրերը, կրթական ու ստեղծագործական ծրագրերը, թիմային խաղերն ու հոգեւոր արժեքների վրա հիմնված միջավայրը երեխաներին օգնում են ոչ միայն վայելել ամառը, այլեւ բացահայտել իրենց ներուժը։

Այստեղ նրանք ամրապնդում են այնպիսի արժեքներ, ինչպիսիք են սերը, հարգանքը, պատասխանատվությունը եւ սովորում, թե ինչ կարեւոր դեր ունի թիմային աշխատանքը կյանքի յուրաքանչյուր փուլում։

28/07/2026

Camp Hankavan-ը շուրջ 60,000 քմ տարածքով բազմաֆունկցիոնալ համալիր է` կանաչապատ գոտիներով, խաղադաշտերով, ճեմուղիներով ու տաղավարներով, որտեղ կառուցված են՝

▪ Տղաների եւ աղջիկների մասնաշենքեր,

▪ Ճաշարան,

▪ Հյուրատուն,

▪ Կոնֆերանս մասնաշենք,

▪ Փակ միջոցառումների համար նախատեսված համերգասրահ,

▪ Բացօթյա համերգների, զբոսաշրջային եւ այլ միջոցառումների համար նախատեսված տարածք,

▪ Ամֆիթատրոններ,

▪ Խարույկի համար նախատեսված գոտի,

▪ Սպասարկման եւ այլ ենթակառուցվածքներ։

Այսպիսով, համալիրը ապահովված է տարբեր կրթա-մշակութային միջոցառումների, գիտաժողովների, փառատոնների եւ թիմբիլդինգների կազմակերպման համար անհրաժեշտ բոլոր ռեսուրսներով՝ բոլոր այցելուներին ցուցաբերելով անհատական մոտեցում։

23/07/2026

Բացի զարգացնող ծրագրերից եւ հոգեւոր արժեքների ձեռքբերումից, որոնք մեր ճամբարի առանցքն են, միասնական ոգին եւ միասին ուրախանալու կարողությունը ամրապնդում ենք հատուկ թիմբիլդինգներով, որոնք զարգացնում են խմբային մտածելակերպն ու իրար թիկունք կանգնելու հմտությունը։
___

Beyond the educational programs and spiritual values that form the core of our camp, we strengthen our sense of community through dedicated team-building activities. These experiences foster teamwork, mutual support, and the ability to celebrate achievements together, helping campers develop a strong spirit of collaboration and standing by one another.

17/07/2026

AMAA-ի Camp Hankavan-ի նպատակն է ստեղծել ոգեշնչող միջավայր, որտեղ հանգիստը, համագործակցությունը եւ տարբեր ձևաչափի միջոցառումները միավորվում են մեկ ամբողջական տարածքում։

Մեր առաքելությունն է ապահովել հարմարավետ, անվտանգ եւ ճկուն ենթակառուցվածքներով համալրված կենտրոն, որը կծառայի երեխաներին, համայնքներին, կազմակերպություններին եւ միջազգային խմբերին՝ ստեղծելով պայմաններ որակյալ ժամանակի, համատեղ աշխատանքի եւ փորձի փոխանակման համար։

Camp Hankavan-ը նպատակ ունի՝

• պահպանել եւ զարգացնել ճամբարային երկարամյա ավանդույթը,
• խթանել թիմային համագործակցությունը եւ համատեղ փորձառություններ,
• ապահովել բազմաֆորմատ միջոցառումների կազմակերպման լիարժեք հնարավորություն,
• ստեղծել բաց եւ ներառական միջավայր Հայաստանից եւ արտերկրից ժամանած խմբերի համար:

Այս ամենն իրականացվում է մեկ ընդհանուր գաղափարի շուրջ՝ ստեղծել կենդանի, գործուն եւ բազմաշերտ տարածք, որը միավորում է մարդկանց, գաղափարներն ու փորձառությունները։

14/07/2026

Camp Hankavan-ում յուրաքանչյուր ծրագիր ունի իր յուրահատուկ ընթացքն ու պատմությունը, բայց բոլորին միավորում է մեկ գաղափար՝ ստեղծել անվտանգ, ոգեշնչող եւ արժեքներով լի միջավայր։

Օրեր առաջ այստեղ երիտասարդները բացահայտում էին արհեստական բանականության աշխարհը՝ սովորելով, ստեղծելով եւ համագործակցելով AI Camp-ի շրջանակում, իսկ այսօր նույն տարածքը լցված է մանկական ծիծաղով, խաղերով, աստվածաշնչյան դասերով, ստեղծագործական զբաղմունքներով ու նոր ընկերություններով։

Camp Hankavan-ում յուրաքանչյուր օր նոր բացահայտումների, սովորելու եւ միասին զարգանալու հնարավորություն է։

Եվ սա դեռ սկիզբն է․ առջեւում սպասվում են բազմաթիվ հետաքրքիր ծրագրեր ու հիշարժան պահեր։

07/07/2026