GALP Ría de Pontevedra

Llamar Cómo llegar Página web

GALP Ría de Pontevedra Asociación sen ánimo de lucro que xestiona axudas a través do Fondo Europeo Marítimo e da Pesca

Asociación sen ánimo de lucro que xestiona axudas a través do Fondo Europeo Marítimo e da Pesca en colaboración coa Consellería do Mar da Xunta de GAlicia. O noso ámbito de actuación son os concellos da área de influencia da Ría de Pontevedra.

Coidar a nosa ría hoxe é garantir que siga sendo fonte de vida e oportunidades mañá.A sustentabilidade non é un reto all...
23/10/2026

Coidar a nosa ría hoxe é garantir que siga sendo fonte de vida e oportunidades mañá.

A sustentabilidade non é un reto alleo ao sector pesqueiro nin ás comunidades costeiras. Forma parte do seu presente e das decisións que marcarán o seu futuro.

💙 Desde o GALP Ría de Pontevedra apoiamos proxectos que demostran que é posible avanzar cara a unha economía azul máis sostible, combinando a actividade económica coa protección do medio natural, a eficiencia enerxética e o aproveitamento responsable dos recursos.

♻️ Esa transformación xa está en marcha a través de iniciativas concretas no noso territorio.

🏖️ Na praia de Montalvo, o Concello de Sanxenxo impulsa un proxecto de recuperación do sistema dunar e mellora da accesibilidade. A instalación dunha pasarela elevada permitirá ordenar o acceso ao areal e contribuír á conservación dun espazo natural no que tamén cría a píllara das dunas. 🔗 https://f.mtr.cool/gnjlwn84ss

⚡ O Real Club Náutico de Sanxenxo aposta pola eficiencia enerxética con proxectos de modernización das súas instalacións. A incorporación de sistemas de climatización máis eficientes, o aproveitamento da enerxía solar e a renovación da iluminación buscan reducir o consumo eléctrico e as emisións asociadas á actividade. 🔗 https://f.mtr.cool/kerz5mvsir https://f.mtr.cool/jr3omrhkuu

☀️ Na illa de Ons, a empresa Susiacuña impulsa unha iniciativa para aproveitar mellor a enerxía solar no seu establecemento de restauración. A incorporación de baterías de almacenamento permitirá reducir a dependencia dos xeradores diésel e avanzar cara a un modelo enerxético máis respectuoso coa contorna do Parque Nacional. 🔗 https://f.mtr.cool/7w1i546wwo

🌊 Son proxectos diferentes, impulsados por entidades públicas, clubs e empresas do territorio, pero cun obxectivo compartido: reducir o impacto ambiental das actividades humanas e contribuír á conservación dos recursos naturais da nosa ría.

Porque o desenvolvemento local tamén consiste en impulsar cambios que, aínda que ás veces non se ven a simple vista, poden marcar unha gran diferenza no futuro.

💙 Unha das mellores pegadas que podemos deixar é contribuír a que as próximas xeracións sigan atopando no mar un lugar no que vivir, traballar e construír o seu futuro.

🌱 Esta é a pegada da sustentabilidade que queremos seguir deixando na Ría de Pontevedra.

🌊 O futuro do mar tamén se constrúe nas aulas!🐟 Estes días, o proxecto «Relevo Xeracional: O Futuro do Mar» participa en...
23/10/2026

🌊 O futuro do mar tamén se constrúe nas aulas!

🐟 Estes días, o proxecto «Relevo Xeracional: O Futuro do Mar» participa en Edugal 2026, no Recinto Feiral de Pontevedra, para achegar á mocidade as oportunidades formativas e profesionais que ofrece o sector marítimo-pesqueiro.

📍 Este xoves, o stand recibiu a visita da directora xeral de Desenvolvemento Pesqueiro, Ángeles Vázquez Suárez, acompañada por representantes de varios GALP galegos e de IGAFA.

🥽 Durante a feira, o alumnado está a descubrir a realidade das profesións do mar a través de vídeos, recursos interactivos e experiencias de realidade virtual, grazas á colaboración da Confraría da Illa de Arousa e da OPP 20.

💙 Queremos que as novas xeracións coñezan o mar, descubran as súas oportunidades e poidan imaxinar nel o seu futuro.

🤝 «Relevo Xeracional: O Futuro do Mar» é un proxecto de cooperación dos oito GALP galegos, coordinado polo Galp Ría De Arousa, en colaboración con Itsas Garapen Elkartea e financiado pola Consellería do Mar a través do FEMPA.

📅 Aproveitade o día de hoxe para visitar Edugal!

🤝 O mar forma parte da nosa identidade. E queremos que cada vez máis persoas poidan g***r del.O desenvolvemento local ta...
22/10/2026

🤝 O mar forma parte da nosa identidade. E queremos que cada vez máis persoas poidan g***r del.

O desenvolvemento local tamén consiste en eliminar barreiras, crear oportunidades e facer que os espazos e recursos da nosa ría sexan máis accesibles e inclusivos.

💙 Desde o GALP Ría de Pontevedra apoiamos proxectos que demostran que o mar pode ser un espazo de encontro, participación, saúde e cohesión social.

⚓ O Club de Remo Ría de Marín impulsou un proxecto para incorporar unha embarcación adaptada que facilite a práctica do remo a persoas con discapacidade física, combinando deporte inclusivo, divulgación da cultura mariñeira e sensibilización ambiental. 🔗 https://f.mtr.cool/62wxp3ryag

⛵ O Club Náutico de Portonovo , a través de A náutica ao alcance de todos, promoveu o acceso á vela entre a mocidade e desenvolve actividades inclusivas con entidades como COGAMI e Down Galicia 🔗 https://f.mtr.cool/fknlq8zmnm

🛶 IMUA Paddle Surf, co proxecto AVANZA II, busca ampliar as oportunidades de participación nas actividades náuticas, especialmente para persoas con mobilidade reducida e superviventes de cancro, facilitando o transporte de participantes e equipamentos. 🔗 https://f.mtr.cool/77jjieshui

🏖️ O Concello de Sanxenxo impulsou melloras de accesibilidade nas praias de Silgar e Montalvo. Dúas actuacións que facilitaron o acceso aos areais ás persoas con mobilidade reducida.
🔗 https://f.mtr.cool/04icm75wcq
🔗 https://f.mtr.cool/eod29k3sy1

Son exemplos de como as axudas xestionadas polo GALP poden contribuír a transformar o territorio desde a inclusión, a accesibilidade e a igualdade de oportunidades.

🌊 Un territorio avanza cando as oportunidades chegan cada vez a máis persoas.

💙 E esa é unha das pegadas que queremos seguir deixando na Ría de Pontevedra.

👩🎓⚓ Para que o mar siga tendo futuro, a mocidade ten que poder imaxinar o seu futuro nel.O relevo xeracional é un dos gr...
22/10/2026

👩🎓⚓ Para que o mar siga tendo futuro, a mocidade ten que poder imaxinar o seu futuro nel.

O relevo xeracional é un dos grandes desafíos das comunidades pesqueiras. Pero tamén representa unha oportunidade para conectar a experiencia de quen leva toda unha vida traballando no sector coas ideas e aspiracións das novas xeracións.

💙 A través do proxecto de cooperación Relevo Xeracional: O Futuro do Mar, no que participan os oito GALP galegos, traballamos para achegar a mocidade á realidade do sector marítimo-pesqueiro e ás súas posibilidades de formación e emprego.

Visitas a centros formativos, encontros con profesionais, experiencias a bordo de embarcacións e actividades de coñecemento do sector permiten descubrir un mundo de oportunidades que moitas veces permanece afastado das aulas.

Porque o futuro da pesca non depende unicamente de conservar os oficios.

Depende tamén de que existan novas xeracións con oportunidades para aprendelos, practicalos e transformalos.

🌊 A pegada que deixamos hoxe pode converterse na vocación de mañá.

🌊 Come o mar, come saúde! 🍽️Do 22 de outubro ao 22 de novembro, 64 restaurantes de todo o litoral galego únense á inicia...
21/10/2026

🌊 Come o mar, come saúde! 🍽️

Do 22 de outubro ao 22 de novembro, 64 restaurantes de todo o litoral galego únense á iniciativa Pesca Saúde, en colaboración cos Grupos de Acción Local do sector Pesqueiro 🐟🦐

💙 En colaboración cun equipo de nutricionistas, deseñamos e seleccionamos propostas equilibradas nas que o peixe, o marisco, os moluscos e as algas do noso litoral son os grandes protagonistas. Unha oportunidade para g***r da excelencia da nosa cociña, apostar polo produto de proximidade (Km0) e coidar do teu benestar!

ℹ️ Consulta a lista de establecementos adheridos en pescasaude.gal e descarga os menús coa súa información nutricional.

🗓️ Do 22 de outubro ao 22 de novembro

🌊 Reserva no teu restaurante favorito e pide o teu Menú Pesca Saúde!

Restaurante A Centoleira O Muiño da Chanca Restaurante O Peirao El Cafetín de Pontevedra PEPA A LOBA Restaurante Sabino Restaurante Nordés O Pescador

🐟 O valor do peixe e do marisco da nosa ría vai moito máis alá do prato.Detrás de cada produto hai profesionais, coñecem...
20/10/2026

🐟 O valor do peixe e do marisco da nosa ría vai moito máis alá do prato.

Detrás de cada produto hai profesionais, coñecementos, tradicións e unha actividade económica que forma parte da identidade do noso territorio.

Desde o GALP Ría de Pontevedra traballamos para poñer en valor os produtos pesqueiros e marisqueiros locais, fomentar o seu consumo e achegar á cidadanía todo o que o noso mar ten para ofrecer.

💙 A través de iniciativas como Pesca Saúde, promovemos unha alimentación saudable baseada nos produtos do mar, dando a coñecer os seus beneficios nutricionais e a importancia de apostar polo produto de proximidade.

Nas próximas semanas chegarán as sesións de bachooking, nas que descubriremos receitas, técnicas e todo o potencial gastronómico dos produtos da nosa ría así coma os menus saudabeis na restauración.

📢 Queres participar? Mantente pendente das nosas redes sociais! Moi pronto compartiremos as datas e toda a información para que poidas acompañarnos.

Porque apostar polo produto local tamén é apoiar as persoas que viven do mar e contribuír a que a riqueza permaneza no territorio.

🌊 Esta é unha das pegadas que queremos seguir deixando na Ría de Pontevedra.

👉 Coñece o proxecto en https://f.mtr.cool/kfn3i2vo3q

🌊 Hai pegadas que non desaparecen coa marea.Son as que deixan as persoas que emprenden, as entidades que colaboran, os o...
19/10/2026

🌊 Hai pegadas que non desaparecen coa marea.

Son as que deixan as persoas que emprenden, as entidades que colaboran, os oficios que se manteñen vivos e os proxectos que abren novas oportunidades arredor do mar.

💙 Detrás de cada iniciativa apoiada polo GALP Ría de Pontevedra hai unha idea, unha necesidade ou unha oportunidade identificada no propio territorio. Esa é a esencia do Desenvolvemento Local Participativo: que as comunidades costeiras sexan protagonistas das decisións que afectan ao seu futuro.

🇪🇺 Sumámonos a CLLD Week – Community Footprints, unha campaña europea que quere mostrar o impacto dos Grupos de Acción Local do Sector Pesqueiro nos seus territorios.

Durante os próximos días compartiremos algunhas das pegadas que os proxectos apoiados polo GALP están deixando na nosa ría. Porque o valor dun proxecto non está só no que se constrúe ou no que se inviste. Está tamén nas oportunidades que crea e nos cambios que permanecen.

👉 Acompáñanos esta semana e descubre como o desenvolvemento local deixa pegada.

🌊 O futuro da pesca e das comunidades costeiras tamén se decide en Europa.O pasado 12 de outubro, unha representación eu...
19/10/2026

🌊 O futuro da pesca e das comunidades costeiras tamén se decide en Europa.

O pasado 12 de outubro, unha representación europea dos Grupos de Acción Local do Sector Pesqueiro (GALP) participou nunha audiencia pública da Comisión de Pesca do Parlamento Europeo, en Bruxelas, para trasladar unha mensaxe clara: o desenvolvemento dos territorios pesqueiros debe seguir contando cun apoio específico nas políticas europeas posteriores a 2027.

⚓ Durante a sesión, os representantes dos GALP puxeron en valor o papel do Desenvolvemento Local Participativo (DLP), un modelo que permite ás propias comunidades costeiras identificar as súas necesidades e decidir como aproveitar os recursos europeos para xerar oportunidades.

A través deste enfoque, os GALP contribúen a impulsar proxectos que fortalecen a actividade pesqueira, favorecen o relevo xeracional, apoian o emprendemento, valorizan os produtos do mar e promoven a diversificación económica e a conservación do patrimonio mariñeiro.

🇪🇺 Ante a preparación do novo marco financeiro europeo 2028-2034, os GALP reivindican a continuidade deste modelo, cun financiamento suficiente, específico e claramente identificado, así como a participación efectiva do sector pesqueiro e das comunidades locais na definición das prioridades de desenvolvemento.

🤝 Porque defender o futuro da pesca tamén significa defender o futuro das persoas e dos territorios que viven do mar.

📺 Recupera a intervención no Parlamento Europeo: https://f.mtr.cool/dk3nyjwv77

✍️ Súmate á petición europea para garantir a continuidade dos GALP e do Desenvolvemento Local Participativo despois de 2027:
https://f.mtr.cool/4je8q2hrlp

💙 O futuro das comunidades costeiras debe construírse contando coa súa voz.

17/10/2026

🐚 Hai oficios que se entenden moito mellor cando os coñecemos da man das súas protagonistas.

O Congreso Internacional de Pesca & Turismo despediuse cunha xornada de experiencias sobre o terreo. Unha delas levounos ata Cambados, onde as mariscadoras abriron as portas do seu oficio aos participantes chegados de diferentes países europeos.

🌊 Coas mans na area e os pés na praia, puideron descubrir as técnicas tradicionais de marisqueo, coñecer as ferramentas de traballo e achegarse aos saberes e á experiencia das mulleres que desenvolven esta actividade.

💙 Unha oportunidade para entender que detrás de cada produto do mar hai moito máis que un recurso: hai traballo, coñecemento, tradición e unha cultura mariñeira que merece ser coñecida e valorada.

🤝 Experiencias como esta demostran o potencial do turismo mariñeiro para conectar as persoas co territorio, dar visibilidade ao traballo da xente do mar e abrir novas oportunidades para as comunidades costeiras.

📹 Así vivimos esta experiencia con Guimatur!

⚓ O congreso celebrouse no marco de Mar e Rías, un proxecto de cooperación impulsado polos oito GALP galegos.

16/10/2026

🎣 O Congreso Internacional de Pesca & Turismo pechou hoxe en Sanxenxo dúas xornadas nas que profesionais de dez países compartiron experiencias e propostas para impulsar o pesca-turismo e o turismo mariñeiro.

Entre os grandes retos do sector: adaptar a normativa, mellorar a promoción e abrir novas vías de comercialización.

O congreso tamén recoñeceu tres iniciativas destacadas: WEVA, de Irlanda, en gobernanza; Pescaturismo Campelo Combarro, no ámbito do pescaturismo; e Sente o Mar, na categoría de turismo mariñeiro.

E para rematar, os participantes puideron vivir estas experiencias de primeira man: navegando pola ría de Pontevedra ou compartindo unha xornada coas mariscadoras en Cambados.

Un encontro que reforza a cooperación e pon en valor o traballo do sector pesqueiro, o patrimonio marítimo e as oportunidades que ofrece o mar.

🌊 O futuro do turismo mariñeiro constrúese desde o territorio e da man do sector pesqueiro.

Dirección

Departamento De Exportadores, 14. Lonja De Marín. Puerto De Marín
Marín
36900

Horario de apertura

Lunes 09:00 - 15:00
Martes 09:00 - 15:00
Miércoles 09:00 - 15:00
Jueves 09:00 - 15:00
Viernes 09:00 - 15:00

Teléfono

+34886213015

Página web

Notificaciones

Sea el primero en enterarse: le enviaremos un correo electrónico cuando GALP Ría de Pontevedra publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.

Atajos

Compartir