13/06/2026
Cada facho que acendamos no alto do Viso e que viaxe ata o cumio da Peneda, levará consigo un desexo. O desexo de espantar os males de ollo, as meigas, os demos e os malos agoiros. Pero tamén o desexo de manter viva a nosa identidade galega, a nosa lingua, a forza da nosa cultura e a teimosía dun pobo que se nega a esquecer as súas raíces.
Esta festa que recuperamos con tanto orgullo dende 1997 grazas ao esforzo do tecido asociativo dos concellos de Redondela e Soutomaior, lémbranos quen somos e de onde vimos.
Que a chama da Peneda nunca se apague nos nosos corazóns.
