13/07/2023
13 ກໍລະກົດ 2023 ແມ່ນວັນຄ້າຍວັນເກີດ ທ່ານປະທານສຸພານຸວົງ ຄົບຮອບ 114 ປີ
(13 ກໍລະກົດ 1909-13 ກໍລະກົດ 2023 )
ST Vegas Hotel ລະນຶກເຖິງຄຸນງາມຄວາມດີ, ຄວາມອົງອາດກ້າຫານ ຈຶ່ງຈະມາເລົ້າຄືນປະຫວັດໂດຍຫຍໍ້ຂອງ ປະທານ ສຸພານຸວົງ ໃນມື້ນີ້ເພື່ອ ເປັນການຫວນຄືນເຖິງປະຫວັດສາດອັນເກົ່າແກ່ທີ່ຜ່ານມາ.
" ປະທານ ສຸພານຸວົງ ເປັນປັນຍາຊົນຜູ້ຍິ່ງໃຫຍ່, ເປັນນັກປະຕິວັດຜູ້ກ້າແກ່ນ, ເປັນນັກການເມືອງທີ່ໂດດເດັ່ນ, ເປັນນັກການທະຫານທີ່ເກັ່ງກ້າ ທັງເປັນນັກຕ່າງປະເທດທີ່ສະຫລຽວສະຫລາດ, ເປັນໜຶ່ງໃນບັນດາຜູ້ນຳທີ່ດີເດັ່ນຂອງພັກ-ລັດ ແລະເປັນທີ່ເຄົາລົບຮັກຂອງປະຊາຊົນລາວບັນດາເຜົ່າ ".
ປະຫວັດຫຍໍ້:
__________________________________________
ປະທານ ສຸພານຸວົງ ເກີດເມື່ອວັນທີ່ 13 ກໍລະກົດ ປີ 1909 ກົງກັບມື້ແຮມ 1 ຄ່ຳ ວັນອັງຄານ ເດືອນ 8 ປີລະກາ (ປີໄກ່) ພສ 2452 ໃນຄອບຄົວເຊື້ອເຈົ້າລາດຊະວົງ
-- ເກີດທີ່ບ້ານ ທາດຫລວງ ເມືອງ ແລະແຂວງຫລວງພະບາງ.
-- ເປັນລູກຊາຍຜູ້ສຸດທ້າຍຂອງເຈົ້າ ມະຫາ ອຸປະລາດ ບຸນຄົງ ແລະໝ່ອມຍິງ ຄຳອ້ວນ.
ປະຫວັດການເຄື່ອນໄຫວ:
__________________________________________
-- ປີ 1920 ເຈົ້າສຸພານຸວົງ ໄດ້ເດີນທາງໄປຮຽນ ທີ່ມະຫາວິທະຍາໄລ ລີເຊ ອານແບກຊາໂຣ (ຫວຽດນາມ)
-- ປີ 1931 ທ່ານໄດ້ເດີນທາງໄປຮຽນຕໍ່ ທີ່ປະເທດຝຣັ່ງ, ໄດ້ເຂົ້າຢູ່ໂຮງຮຽນ ລີເຊ ແຊງຫລູຍ
-- ປີ 1934 ເສັງເຂົ້າ ມະຫາວິທະຍາໄລ ຂົວທາງ ແຫ່ງຊາດ ສາຂາວິສະວະກອນ ພົນລະເຮືອນ ຢູ່ນະຄອນຫລວງ ປາຮີສ (ປະເທດ)ຮິ່ງເສດ)
-- ວັນທີ່ 19 ມັງກອນ 1938 ແຕ່ງດອງກັບນາງ ຫງຽນ ທິກິມນາມ (ນາງ ວຽງຄຳ).
ເຂົ້າຮ່ວມປະຕິວັດ:
__________________________________________
-- ປີ 1945 ເຂົ້າຮ່ວມຂະບວນການປະຕິວັດ. ທ່ານໄດ້ບັນຊາການສູ້ຮົບປ້ອງກັນ ເມືອງທ່າແຂກ ຢ່າງພິລະອາດຫານ.
-- ວັນທີ່ 21 ມີນາ 1946 ກັບພວກລ່າເມືອງຂື້ນຝຣັ່ງເປັນບັ້ນຮົບໜຶ່ງທີ່ສຳຄັນຢູ່ອິນດູຈີນ.
-- ປີ 1947 ເຄື່ອນໄຫວປະຕິວັດ ຢູ່ບາງກອກ ປະເທດໄທ.
-- ປີ 1949 ໄດ້ອອກຖະແຫລງການກ່າວປະນາມຕໍ່ພຶດຕິກຳທໍລະຍົດຂອງພະຍາຄຳມ້າວ ວິໄລ.
-- ປີ 1950 ໄດ້ຮັບການເລືອກຕັ້ງ ເປັນປະທານສູນກາງແນວລາວອິດສະຫລະ ທັງເປັນລັດຖະມະຫາເສນາ (ນາຍົກລັດຖະມົນຕີ) ຂອງລັດຖະບານລາວຕໍ່ຕ້ານ.
-- ປີ 1951 ເຂົ້າຮ່ວມກອງປະຊຸມ ສຳພັນທະພາບລາວ-ຫວຽດນາມ-ຂະແມກ
-- 23 ກໍລະກົດ 1954 ໄດ້ແຈ້ງກ່ຽວກັບໄຊຊະນະລອງສັນຍາເຊີແນວໃຫ້ປະຊາຊົນລາວບັນດາເຜົ່າທົ່ວປະເທດຊາດ.
-- ປີ 1956 ປະທານ ສຸພານຸວົງ ໄດ້ຮັບເລືອກຕັ້ງ ເປັນປະທານສູນກາງ ແນວລາວຮັກຊາດ.
-- ວັນທີ່ 28 ກໍລະກົດ 1959 ປະທານ ສຸພານຸວົງ ພ້ອມດ້ວຍບັນດາຜູ້ນຳແນວລາວຮັກຊາດ 16 ທ່ານ ຖືກຈັບຄຸມຂັງ ຢູ່ຄອກມ້າເກົ່າຝຮັ່ງ ທີ່ຕັ້ງຢູ່ໃຈກາງເມືອງຂອງ ບ້ານໂພນເຄັງ.
-- ເວລາ 0 ໂມງ 30 ນາທີ ຂອງວັນທີ່ 24 ພຶດສະພາ 1960 ປະທານສຸພານຸວົງ ພ້ອມຜູ້ນຳລາວຮັກຊາດ ໄດ້ແຫກຄຸກຢ່າງມະຫັດສະຈັນຮອດເຂດທີ່ໝັ້ນຢ່າງປອດໄພ. ແລ້ວສືບຕໍ່ຄຽງບ່າຄຽງໄຫລ່ ກັບບັນດາຜູ້ນຳແນວລາວຮັກຊາດ ນຳພາປະຊາຊົນລາວບັນດາເຜົ່າ ຕໍ່ສູ້ປົດປ່ອຍຊາດໄດ້ຢ່າງສົມບູນ. ສະຖາປານາ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ່ 02 ທັນວາ 1975.
-- ປີ 1975 -1995 ປະທານ ສຸພານຸວົງ ໃນພາລະກິດປົກປັກຮັກສາ ແລະສ້າງສາປະເທດຊາດ.
ຍຸກແຫ່ງການພັດທະນາ:
__________________________________________
ກ້າວໄກສູ້ໄລຍະໃໝ່ຂອງການປະຕິວັດ ເພື່ອປົກປັກຮັກສາໝາກຜົນຂອງການປະຕິວັດ ກໍຄືລະບອບໃໝ່ໄວ້ໃຫ້ໝັ້ນຄົງ ແລະນຳພາປະເທດຊາດໄປຕາມແນວທາງທີ່ພັກວາງອອກ.
ປະທານ ສຸພານຸວົງ ໄດ້ເລືອກຕັ້ງເປັນປະທານປະເທດ, ປະທານສະພາປະຊາຊົນສູງສຸດ ແລະທັງເປັນປະທານສູນກາງແນວລາວຮັກຊາດ ພ້ອມກັບສູນກາງພັກ ດຳເນີນພາລະບົດບາດ ແລະໜ້າທີ່ການເມືອງຂອງຕົນຢ່າງສົມກຽດ.
ບົດບາດຊື່ສຽງຂອງ ປະທານ ສຸພານຸວົງ ໄດ້ພົ້ນເດັ່ນຂື້ນໃນຖານະເປັນນັກຮັກຊາກຮຸ່ນທຳອິດ ທີ່ໄດ້ເອົາຊີວິດຂອງຕົນຜູກພັນກັບການປະຕິວັດຕະຫລອດມາ.
ທ່ານ ສຸພານຸວົງ
ການປະຕິວັດຄືການມອບອຳນາດ ຄືນໃຫ້ປະຊາຊົນ
ບໍ່ແມ່ນການປ່ຽນຈາກ ຜະເດັດການຜູ້ເກົ່າ ໄປເປັນຜູ້ໃໝ່.
