Ветеринарна комора на Република Македонија / Dhoma Veterinare e Maqedonisë

02/08/2026

31/07/2026

ОФИЦИЈАЛНА ПОСЕТА НА ДЕЛЕГАЦИЈА НА ВЕТЕРИНАРНАТА КОМОРА НА РЕПУБЛИКА МАКЕДОНИЈА ВО РЕПУБЛИКА АЛБАНИЈА

На покана на Професионалниот ред на доктори по ветеринарна медицина на Република Албанија (UPMVSH), делегација на Ветеринарната комора на Република Македонија, составена од заменик-претседателот д-р Рами Селмани и извршниот директор д-р Томислав Николовски, оствари официјална работна посета на Република Албанија.

Посетата беше од особено значење бидејќи претставуваше прва официјална посета на странска професионална делегација по неодамнешниот реизбор на претседателот на Професионалниот ред на доктори по ветеринарна медицина на Република Албанија, д-р Ервин Ресули. Делегацијата на Ветеринарната комора на Република Македонија ја искористи оваа можност уште еднаш да му го честита повторниот избор на д-р Ресули, посакувајќи му успешен мандат исполнет со нови професионални достигнувања, натамошен развој на албанската ветеринарна професија и уште посилно регионално и меѓународно позиционирање на институцијата што ја предводи.

Во рамките на посетата беше одржана официјална средба со раководството на Професионалниот ред на доктори по ветеринарна медицина на Република Албанија, при што беа потврдени долгогодишните пријателски односи и исклучителната институционална соработка меѓу двете професионални организации. Во разговорите беше изразено заедничко задоволство што воспоставените партнерски односи денес претставуваат пример за успешна регионална соработка, заснована на меѓусебна доверба, почит и заедничка визија за развој на ветеринарната професија.

Посебно значајна беше и официјалната работна средба во Министерството за земјоделство и рурален развој на Република Албанија, на која делегацијата беше примена од заменик-министерката г-ѓа Тана Штиља Кика, во присуство на директорот за развој во областа на безбедноста на храната, ветеринарството, заштитата на растенијата и рибарството, г. Бледи Миле, директорката на Дирекцијата за ветеринарни политики, г-ѓа Матилда Џепа, како и други високи претставници на Министерството.

За време на разговорите беа разгледани повеќе теми од стратешко значење за ветеринарниот сектор, меѓу кои организацијата и функционирањето на ветеринарната служба, усогласувањето на националното законодавство со правото на Европската Унија во рамките на Поглавје 12, контролата и управувањето со прекуграничните заразни болести кај животните, како и можностите за понатамошно продлабочување на регионалната соработка.

Една од централните теми беше организацијата на Регионалниот конгрес на ветеринарните комори и професионални редови на Балканот, кој во октомври оваа година ќе се одржи во Охрид, во организација на Ветеринарната комора на Република Македонија. Воедно, со особено задоволство беше потврдено дека домаќин на Конгресот во 2028 година ќе биде Професионалниот ред на доктори по ветеринарна медицина на Република Албанија, што претставува признание за неговата сè поактивна улога во унапредувањето на регионалната ветеринарна соработка.

Ветеринарната комора на Република Македонија изразува искрена благодарност до претседателот д-р Ервин Ресули, раководството на Професионалниот ред на доктори по ветеринарна медицина на Република Албанија, како и до Министерството за земјоделство и рурален развој на Република Албанија за исклучителното гостопримство, беспрекорната организација и конструктивните разговори што претставуваат силен поттик за понатамошно продлабочување на соработката.

Оваа официјална посета уште еднаш потврди дека меѓусебната доверба, професионалното партнерство и заедничката посветеност кон европските стандарди претставуваат цврста основа за понатамошно унапредување на ветеринарната професија, заштитата на здравјето на животните, безбедноста на храната и јавното здравје, во интерес на граѓаните на двете држави и на целиот регион.

VIZITË ZYRTARE E DELEGACIONIT TË DHOMËS SË MJEKËVE VETERINARË TË REPUBLIKËS SË MAQEDONISË NË REPUBLIKËN E SHQIPËRISË

Me ftesë të Urdhrit Profesional të Mjekut Veterinar të Shqipërisë (UPMVSH), një delegacion i Dhomës së Mjekëve Veterinarë të Republikës së Maqedonisë, i përbërë nga Zëvendëspresidenti, Dr. Rami Selmani, dhe Drejtori Ekzekutiv, Dr. Tomislav Nikolovski, realizoi një vizitë zyrtare pune në Republikën e Shqipërisë.

Kjo vizitë kishte një rëndësi të veçantë, pasi përfaqësonte vizitën e parë zyrtare të një delegacioni profesional ndërkombëtar pas rizgjedhjes së Presidentit të Urdhrit Profesional të Mjekut Veterinar të Shqipërisë, Dr. Ervin Resuli. Delegacioni i Dhomës së Mjekëve Veterinarë të Republikës së Maqedonisë shfrytëzoi këtë rast për ta uruar edhe një herë Dr. Resulin për rizgjedhjen e tij, duke i dëshiruar një mandat të suksesshëm, të shoqëruar me arritje të reja profesionale, zhvillim të mëtejshëm të profesionit veterinar shqiptar dhe një pozicionim edhe më të fuqishëm rajonal dhe ndërkombëtar të institucionit që ai drejton.

Në kuadër të vizitës u zhvillua një takim zyrtar me drejtuesit e Urdhrit Profesional të Mjekut Veterinar të Shqipërisë, gjatë të cilit u konfirmuan marrëdhëniet shumëvjeçare miqësore dhe bashkëpunimi i shkëlqyer institucional ndërmjet dy organizatave profesionale. Gjatë bisedimeve u shpreh kënaqësia e përbashkët që partneriteti i ndërtuar ndër vite përfaqëson sot një shembull të suksesshëm të bashkëpunimit rajonal, të bazuar në besimin reciprok, respektin e ndërsjellë dhe vizionin e përbashkët për zhvillimin e profesionit veterinar.

Një rëndësi të veçantë pati edhe takimi zyrtar i punës në Ministrinë e Bujqësisë dhe Zhvillimit Rural të Republikës së Shqipërisë, ku delegacioni u prit nga Zëvendësministrja, znj. Tana Shtylla Kika, në praninë e Drejtorit të Përgjithshëm të Zhvillimit në Fushën e Sigurisë Ushqimore, Veterinarisë, Mbrojtjes së Bimëve dhe Peshkimit, z. Bledi Mile, Drejtores së Drejtorisë së Politikave Veterinare, znj. Matilda Xhepa, si dhe përfaqësuesve të tjerë të lartë të Ministrisë.

Gjatë takimeve u diskutuan një sërë çështjesh me rëndësi strategjike për sektorin veterinar, duke përfshirë organizimin dhe funksionimin e shërbimit veterinar, procesin e përafrimit të legjislacionit kombëtar me acquis-in e Bashkimit Evropian në kuadër të Kapitullit 12, kontrollin dhe menaxhimin e sëmundjeve ndërkufitare të kafshëve, si dhe mundësitë për thellimin e mëtejshëm të bashkëpunimit rajonal.

Një nga temat qendrore të diskutimeve ishte organizimi i Kongresit Rajonal të Dhomave dhe Urdhrave Veterinare të Ballkanit, i cili do të mbahet në muajin tetor të këtij viti në Ohër, nën organizimin e Dhomës së Mjekëve Veterinarë të Republikës së Maqedonisë. Njëkohësisht, me kënaqësi të veçantë u konfirmua se mikpritës i Kongresit në vitin 2028 do të jetë Urdhri Profesional i Mjekut Veterinar të Shqipërisë, çka përbën një vlerësim të rolit të tij gjithnjë e më aktiv në forcimin e bashkëpunimit veterinar rajonal.

Dhoma e Mjekëve Veterinarë të Republikës së Maqedonisë shpreh mirënjohjen e saj të sinqertë për Presidentin Dr. Ervin Resuli, drejtuesit e Urdhrit Profesional të Mjekut Veterinar të Shqipërisë, si dhe Ministrinë e Bujqësisë dhe Zhvillimit Rural të Republikës së Shqipërisë për mikpritjen e jashtëzakonshme, organizimin e shkëlqyer dhe bisedimet konstruktive, të cilat përfaqësojnë një shtysë të fuqishme për thellimin e mëtejshëm të bashkëpunimit ndërinstitucional.

Kjo vizitë zyrtare konfirmoi edhe një herë se besimi reciprok, partneriteti profesional dhe përkushtimi i përbashkët ndaj standardeve evropiane përbëjnë një bazë të fortë për avancimin e mëtejshëm të profesionit veterinar, mbrojtjen e shëndetit të kafshëve, sigurinë ushqimore dhe shëndetin publik, në interes të qytetarëve të të dy vendeve dhe të gjithë rajonit.

22/07/2026

Во спомен на Мирјана Зориќ (1948 – 2026)

Со длабока тага ја известуваме јавноста дека на 22 јули 2026 година почина Мирјана Зориќ, долгогодишна вработена во Ветеринарната комора.

Родена на 28 октомври 1948 година во Гевгелија, Мирјана својот професионален пат го започна во Стопанска банка, а потоа, со голема посветеност и одговорност, стана дел од Ветеринарната комора, каде што го помина најголемиот дел од својот работен век, сè до заминувањето во заслужена пензија.

Колегите ќе ја паметат како исклучително вредна, достоинствена, одговорна и благородна личност, секогаш подготвена да помогне и да им даде поддршка на другите. Со својата професионалност, човечност и топлина остави траен белег во Ветеринарната комора и во срцата на сите што имаа чест да ја познаваат.

Изразуваме искрено сочувство до нејзиното семејство, роднините и пријателите.

Детали за погребот:

📍 Градски гробишта „Бутел“ – Скопје
📅 23 јули 2026 година (четврток)
🕧 Последен поздрав во капелата: 12:30 – 13:30 часот

Вечна ѝ слава и светол спомен.

08/07/2026

📢 ИЗВЕСТУВАЊЕ ЗА ВЕБИНАР
Ветеринарната комора на Република Македонија ги известува докторите по ветеринарна медицина дека на 10 јули 2026 година (петок), со почеток во 13:00 часот, ќе се одржи вебинар на тема:
🐑 Чума кај мали преживари (PPR) и Сипаници кај овци и кози (SGP)
Вебинарот е организиран од Агенцијата за храна и ветеринарство, во соработка со Организацијата за храна и земјоделство на Обединетите нации (FAO) и Факултетот за ветеринарна медицина – Скопје.
На вебинарот ќе бидат презентирани најновите информации за:
✔️ актуелната епидемиолошка состојба;
✔️ раното откривање и пријавување на болестите;
✔️ дијагностички пристапи;
✔️ мерки за биосигурност;
✔️ практични насоки за постапување при сомнеж или потврда на PPR и SGP.

🌐 Платформа: Zoom
📝 Регистрацијата е задолжителна и може да се изврши преку следниот линк:
https://fao.zoom.us/webinar/register/WN_KLwRrudJTxSpg0PcHhJh-g

🔹 Вебинарот ќе се одржи на македонски и англиски јазик, а за презентациите на англиски ќе биде обезбедено симултано толкување на македонски јазик.

Учеството ќе се вреднува согласно Правилникот за континуирана едукација на ВКМ

19/06/2026

ОДРЖАН КООРДИНАТИВЕН СОСТАНОК НА ОДБОРОТ НА ПРАКТИЧАРИ ПРИ ВЕТЕРИНАРНАТА КОМОРА НА РЕПУБЛИКА МАКЕДОНИЈА ЗА АКТУЕЛНИТЕ СОСТОЈБИ И ПРЕДИЗВИЦИ ВО ВЕТЕРИНАРНИОТ СЕКТОР

На 19.06.2026 година во Скопје се одржа координативен состанок на Одборот на практичари при Ветеринарната комора на Република Македонија, на кој учествуваа претставници на ветеринарните друштва од целата држава, претставници на Агенцијата за храна и ветеринарство и претставници на Ветеринарниот институт при Факултетот за ветеринарна медицина – Скопје.

Состанокот беше свикан поради сериозната загриженост на ветеринарните друштва за актуелната состојба во секторот и бројните предизвици поврзани со спроведувањето на активностите од јавен интерес согласно Годишната наредба за здравствена заштита на животните за 2026 година.

Во рамките на дискусијата беа разгледани прашањата поврзани со финансиската одржливост на ветеринарните друштва, динамиката на исплатите за реализираните активности, статусот на иницијативата за корекција на цените на ветеринарните услуги од јавен интерес, како и оперативните предизвици со кои секојдневно се соочуваат ветеринарните тимови на терен.

Претставниците на ветеринарните друштва едногласно констатираа дека ветеринарниот сектор се наоѓа во исклучително тешка и неодржлива состојба како резултат на долгогодишно недоволно финансирање, континуирано зголемување на трошоците за работа, зголемен обем на обврски и отсуство на соодветно усогласување на надоместоците со реалните услови и трошоци на терен.

Беше истакнато дека ветеринарните друштва повеќе од една година континуирано укажуваат на овие проблеми преку бројни иницијативи на Комората ,дописи и состаноци со надлежните институции, барајќи корекција на цените на услугите од јавен интерес и обезбедување услови за одржливо функционирање на ветеринарната служба. И покрај покажаното разбирање и дадените ветувања, до денес не се обезбедени конкретни и видливи решенија.

Во текот на дискусијата посебно внимание беше посветено и на прашањето за организацијата и контролата на активностите од јавен интерес. Присутните ветеринарни друштва истакнаа дека предложените технички решенија кои предвидуваат присуство или засилен надзор од страна на официјалните ветеринари во суштина претставуваат корисен механизам за дополнително зајакнување на контролата и транспарентноста на постапките и како такви ја имаат поддршката на ветеринарните практичари.

Сепак, беше констатирано дека поради ограничените кадровски и организациски капацитети на Агенцијата за храна и ветеринарство, нивната целосна и континуирана примена во моменталните услови е практично неоперабилна и тешко спроведлива на терен. Учесниците оценија дека е неопходно итно да се изнајдат алтернативни и реално применливи решенија кои ќе обезбедат соодветно ниво на контрола, а истовремено нема да го доведат во прашање навременото и непречено спроведување на активностите од јавен интерес предвидени со Годишната наредба за здравствена заштита на животните.

Во текот на состанокот беше потенцирана клучната улога на ветеринарната професија во заштитата на здравјето на животните, безбедноста на храната и заштитата на јавното здравје. Учесниците предупредија дека во услови кога во државата и регионот се присутни или се закануваат сериозни заразни болести кај животните, одржувањето на стабилна, функционална и професионално мотивирана ветеринарна служба претставува прашање од стратешки национален интерес.

Присутните ветеринарни друштва ја потврдија својата подготвеност и понатаму одговорно да ги извршуваат активностите од јавен интерес и да придонесуваат кон заштитата на сточарството и јавното здравје. Сепак, беше нагласено дека без итно решавање на наталожените проблеми, без соодветна корекција на цените и без навремена исплата на реализираните активности, капацитетот на ветеринарните друштва за понатамошно непречено спроведување на овие активности е сериозно доведен во прашање.

Како заклучок од состанокот беше оценето дека е неопходно во најкус можен рок надлежните институции да обезбедат конкретни решенија, јасни рокови и соодветни гаранции за надминување на постојните проблеми, особено во делот на финансиската одржливост на ветеринарните друштва, корекцијата на цените на услугите од јавен интерес, навремената исплата на средствата за реализираните активности и обезбедувањето оперативно применлив модел за контрола и спроведување на активностите на терен.

Ветеринарната комора на Република Македонија ќе ги пренесе ставовите и заклучоците од денешниот состанок на претстојната средба со директорот на Агенцијата за храна и ветеринарство, закажана за 22.06.2026 година, при што ќе побара конкретни информации, јасни рокови и институционални гаранции за решавање на отворените прашања.

Учесниците на состанокот истакнаа дека ветеринарните друштва покажале максимална трпеливост, професионалност и одговорност во изминатиот период, имајќи ја предвид важноста на активностите кои ги спроведуваат за здравјето на животните, сточарското производство и јавното здравје. Сепак, беше оценето дека понатамошното одложување на решавањето на проблемите повеќе не е одржливо.

Доколку во разумен рок не бидат обезбедени конкретни решенија, јасни рокови и соодветни гаранции за надминување на состојбите, ветеринарните друштва ќе ги активираат претходно донесените одлуки и ќе ги разгледаат сите расположливи мерки за заштита на своите професионални и економски интереси, вклучително и можноста за прекин на спроведувањето на активностите од јавен интерес.

Ветеринарната комора на Република Македонија останува посветена на институционален дијалог и изнаоѓање решенија во интерес на ветеринарната професија, сточарството, безбедноста на храната, здравјето на животните и здравјето на граѓаните.

16/06/2026

Покана за состанок

Ветеринарната комора на Република Македонија организира координативен состанок со управителите на ветеринарните друштва вклучени во реализацијата на активностите од јавен интерес.
📅 Датум: 19.06.2026 година (петок)
🕚 Време: 11:00 часот
📍 Локација: Хотел Континентал – Скопје
Состанокот е организиран по разгледување на актуелната состојба поврзана со спроведувањето на активностите од јавен интерес согласно Годишната наредба за здравствена заштита на животните за 2026 година, како и реакциите и забелешките доставени од ветеринарните друштва во врска со насоките и барањата на Агенцијата за храна и ветеринарство и Ветеринарен институт при ФВМС.
На состанокот ќе бидат поканети и претставници на Агенцијата за храна и ветеринарство.
Ги покануваме сите управители на ветеринарните друштва активно да се вклучат и да присуствуваат на состанокот, имајќи ја предвид важноста на темите што ќе бидат разгледувани.

27/05/2026

Ветеринарната комора на Република Македонија на сите граѓани од исламска вероисповест им го честита Курбан Бајрам.

Овој празник нека ни послужи како потсетник за хуманост, грижа еден за друг и заедничка одговорност.
Посакуваме празничните денови да донесат мир, изобилство, хармонија и радост во секој дом. 🕊️ ✨ 🌙

Бајрам Шериф Мубарек Олсун
___________________________________
Oda Veterinare e Republikës së Maqedonisë ua uron Kurban Bajramin të gjithë qytetarëve të besimit islam.

Le të na shërbejë kjo festë si një kujtesë për humanizëm, kujdes ndaj njëri-tjetrit dhe përgjegjësi të përbashkët.

Ju dëshirojmë që ditët festive të sjellin paqe, begati, harmoni dhe gëzim në çdo familje. 🕊️ ✨ 🌙

Bajram Sherif Mubarek Olsun

14/05/2026

ОДРЖАНО 30-ТО РЕДОВНО ГОДИШНО СОБРАНИЕ НА ВКМ

На 13.05.2026 година, во хотел „Континентал“ – Скопје, се одржа 30-то Редовно годишно собрание на Ветеринарната комора на Република Северна Македонија.
По утврдувањето на кворумот, Собранието ја започна својата работа со оддавање почит со едноминутно молчење во чест на прерано починатиот д-р спец. Димитар Венев, истакнат доктор по ветеринарна медицина.
Работниот дел започна со поздравно обраќање на претседателот на ВКМ, д-р Жарко Михајлоски, кој го презентираше извештајот за активностите на Комората во периодот помеѓу двете собранија. Во обраќањето беа нагласени главните предизвици со кои се соочува Комората, особено активностите поврзани со решавање на проблемот со неисплатените средства кон ветеринарните друштва со јавни овластувања, како и потребата од зголемување на цените за активностите предвидени со Годишната наредба за здравствена заштита на животните. Извештајот беше едногласно усвоен.
На Собранието беше презентиран и усвоен Финансискиот извештај за 2025 година, според кој ВКМ остварила позитивен финансиски резултат. Надзорниот одбор, преку извештајот презентиран од д-р Рамис Асани, констатираше дека средствата се трошени наменски и целисходно, при што е евидентирана значителна финансиска акумулација.
Надзорниот одбор по трет пат ја истакна потребата од корекција на износот на членарината, пред сè поради потребата од долгорочно и стабилно буџетирање на Комората.
Претседателот на Стручниот одбор, проф. д-р Ромел Велев, поднесе извештај за работата на Одборот, со осврт на активностите поврзани со издавањето, продолжувањето и обновувањето на лиценците за работа на докторите по ветеринарна медицина, како и процесот на акредитација на настани за континуирана едукација. Посебен акцент беше ставен на заштитата на процесот на организирање континуирана едукација, како дел од јавните овластувања на ВКМ.
Со оглед на тоа што мандатот на актуелните тела и органи на Комората завршува ова лето, а имајќи ги предвид летните годишни одмори, Собранието донесе едногласна одлука, согласно Статутот, за продолжување на мандатот на органите и телата на Комората до 15 октомври 2026 година, како краен рок за завршување на изборниот процес.

До тој период, како клучна задача на раководството на Комората останува решавањето на егзистенцијалните проблеми на ветеринарните друштва вклучени во активности од јавен интерес.
На крајот, претседателот на Комората им се заблагодари на делегатите за конструктивното учество во работата на Собранието, упатувајќи повик за единство и нагласувајќи дека Ветеринарната комора останува главен застапник на ветеринарната професија и единствена институција која може да ги обедини сите сегменти на нашата професија.

12/05/2026

IN MEMORIAM
д-р. спец Димитар Венев

Со длабока тага се простуваме од нашиот почитуван колега, пријател и истакнат доктор по ветеринарна медицина Димитар Венев, човек кој целиот свој живот го посвети на ветеринарната медицина, грижата за животните и помошта на луѓето.
Роден на 20 август 1958 година во Димитровград, основното и средното образование ги завршува во Куманово. Дипломира на Ветеринарниот факултет во Белград во 1982 година. Истата година се враќа во Куманово и започнува со работа во ЗИК Куманово, каде работи како ветеринарен лекар до 1985 година.
Од 11 февруари 1985 година својот професионален пат го продолжува во Ветеринарниот сточарски центар Куманово, каде со децении работеше како доктор по ветеринарна медицина – специјалист за болести кај мали животни, а подоцна и како технички директор на центарот. Со својата стручност, посветеност и огромно искуство стана препознатливо и почитувано име во ветеринарната професија.
Специјализацијата за болести кај мали животни ја завршува во 1997 година во Белград. Во текот на целиот свој работен век беше особено посветен на лекување и грижа за домашните миленици, особено кучиња и мачки, а многу генерации сопственици на миленици ќе го паметат по неговата човечност, трпеливост и подготвеност секогаш да помогне.
Покрај професионалните успеси, беше човек со големо срце, почитуван меѓу колегите и сакан од сите што го познаваа.
Изразуваме искрено и длабоко сочувство до семејството, роднините, пријателите и сите што го сакаа и почитуваа.
Погребот ќе се изврши на 13.05.2026 година (среда) во 15:00 часот на Градските гробишта во Куманово.

11/05/2026

БИТОЛА ПОВТОРНО ЦЕНТАР НА ВЕТЕРИНАРНАТА ПРОФЕСИЈА – НАД 240 УЧЕСНИЦИ НА 4-ТИОТ СЕМИНАР НА ВКМ И УКЛО

Во прекрасниот амбиент на Офицерски дом,на 09.05.2026 година се одржа 4-тиот Семинар во организација на Ветеринарна комора на Република Македонија и Ветеринарниот факултет при УКЛО Битола, кој со повеќе од 240 учесници, гости и предавачи се вброи меѓу најмасовните и најзначајни настани досега организирани во рамките на континуираната едукација на ветеринарната професија во државата.
Настанот претставуваше вистинска потврда за значењето и обединувачката сила на ветеринарната професија, собирајќи на едно место доктори по ветеринарна медицина, претставници на академската заедница, институциите и колеги од повеќе држави од регионот.
Свои обраќања на отворањето на семинарот имаа домаќините — деканот на Ветеринарниот факултет во Битола, проф. д-р Панче Дамески, и претседателот на Ветеринарната комора, д-р Жарко Михајлоски, а на присутните им се обратија и ректорот на Универзитет „Св. Климент Охридски“– Битола, проф. д-р Игор Неделковски, градоначалникот на Битола, д-р Тони Коњановски, како и директорот на Агенција за храна и ветеринарство, д-р Оливер Миланов.
Во своето обраќање, директорот на АХВ истакна дека токму докторите по ветеринарна медицина – практичари претставуваат најважната оперативна компонента без која Агенцијата не би можела ефикасно да ја остварува својата функција во заштитата на здравјето на животните, безбедноста на храната и јавното здравје.
Особена вредност на семинарот му дадоа и предавањата на еминентни предавачи од земјата, како и гости од Словенија, Бугарија и Србија, кои преку своите излагања овозможија размена на искуства, современи знаења и професионални практики од различни области на ветеринарната медицина.
Преполната свечена сала, која остана исполнета до последното предавање, беше најдобрата потврда за интересот, посветеноста и потребата од вакви професионални собири. Воедно, тоа беше и јасен показател дека овој семинар, кој веќе четврти пат се организира во Битола, прераснува во значајна и препознатлива традиција на македонската ветеринарна професија.
Семинарот уште еднаш покажа дека кога се обединети струката, академската заедница и институциите, се создава простор за вистински професионален напредок, меѓусебна поддршка и градење на заедничка визија за иднината на ветеринарната медицина.

MANASTIRI ËSHTË PËRSËRI NJË QENDËR PËR PROFESIONIN VETERINAR – MBI 240 PJESËMARRËS NË SEMINARIN E 4-TË TË VKM DHE UKLO

Në ambientin e mrekullueshëm të Shtëpisë së Armatës, më 09.05.2026 u mbajt Seminari i 4-të në organizim të Odës Veterinare të Republikës së Maqedonisë dhe Fakultetit të Mjekësisë Veterinare pranë UKLO Manastir, i cili me më shumë se 240 pjesëmarrës, mysafirë dhe ligjërues u rendit ndër ngjarjet më masive dhe më të rëndësishme të organizuara deri më tani në kuadër të edukimit të vazhdueshëm të profesionit veterinar në vend.
Ngjarja përfaqësoi një konfirmim të vërtetë të rëndësisë dhe forcës bashkuese të profesionit veterinar, duke mbledhur në një vend doktorë të mjekësisë veterinare, përfaqësues të komunitetit akademik, institucioneve dhe kolegë nga disa shtete të rajonit.
Fjalime në hapjen e seminarit mbajtën nikoqirët — dekani i Fakultetit të Mjekësisë Veterinare në Manastir, prof. dr. Pançe Dameski, dhe kryetari i Odës Veterinare, dr. Zharko Mihajlloski, ndërsa të pranishmëve iu drejtuan edhe rektori i Universitetit “Shën Klimenti i Ohrit” – Manastir, prof. dr. Igor Nedellkovski, kryetari i Komunës së Manastirit, dr. Toni Konjanovski, si dhe drejtori i Agjencisë për Ushqim dhe Veterinari, dr. Oliver Milanov.
Në fjalimin e tij, drejtori i AUV-së theksoi se pikërisht doktorët praktikues të mjekësisë veterinare përfaqësojnë komponentin më të rëndësishëm operativ pa të cilin Agjencia nuk do të mund ta realizonte në mënyrë efikase funksionin e saj në mbrojtjen e shëndetit të kafshëve, sigurisë ushqimore dhe shëndetit publik.
Vlerë të veçantë seminarit i dhanë edhe ligjëratat e ligjëruesve eminentë nga vendi, si dhe mysafirëve nga Sllovenia, Bullgaria dhe Serbia, të cilët përmes prezantimeve të tyre mundësuan shkëmbim përvojash, njohurish bashkëkohore dhe praktikash profesionale nga fusha të ndryshme të mjekësisë veterinare.
Salla solemne e mbushur plot, e cila mbeti e tillë deri në ligjëratën e fundit, ishte dëshmia më e mirë për interesimin, përkushtimin dhe nevojën për tubime të tilla profesionale. Njëkohësisht, kjo ishte edhe një tregues i qartë se ky seminar, i cili organizohet tashmë për herë të katërt në Manastir, po shndërrohet në një traditë të rëndësishme dhe të njohur të profesionit veterinar maqedonas.
Seminari dëshmoi edhe një herë se kur bashkohen profesioni, komuniteti akademik dhe institucionet, krijohet hapësirë për përparim të vërtetë profesional, mbështetje të ndërsjellë dhe ndërtim të një vizioni të përbashkët për të ardhmen e mjekësisë veterinare.