https://www.facebook.com/101360325829696/

Insectenhotel "De Biezaak"

Startpagina
Nederland
Roggel
Insectenhotel "De Biezaak"

Hier is het verhaal van Insectenhotel De Biezaak te volgen. Het hotel wordt beheerd door Koeabus de kabouter. De naam van het insectenhotel verklaard.

De naam kwam laatst ter sprake door een Canadese vriend die gespecialiseerd is in vliegend spul en soms bij
zonder hoog de lucht in gaat.... deze komt voort uit een positieve levensinstelling. Geneet van het laeve. maak plezeer, zorg good väör elkaar en blief gezondj. De rest is biezaak.....

26/06/2026

Asclepias.
Ich weit het. Het is eine invasieve plantj en steit vanaaf 2017 op de liest van verbaoje plantje in Europa. Tenminste in het wildj. Het is dus auch ein kwestie van hem good in toom haoje. Bie het hotel staon er auch. De aafgelaupe 2 naate jaore waas hae bienao oetgeroeidj. En waal door de slakken die in gigantische aantallen eeder blaedje hievan waat oet de grondj kwaam op peuzeldje. Dit jaor steit d'r toch weer eine in bluu. En de ieërlikheid gebeudj mich te zégke, det ich geine inkele angere plantj kin woea zoea massaal bieje en hommels op zitten. Ein pracht om te zeen. Dus de moraal van dit verhaol is den auch det neet alles waat slecht is, auch echt slecht is. Men mot d'r allein op de juuste meneer mét omgaon.....

25/06/2026

De daag begintj vreug bie het hotel. Noe is het nog oet te haoje boete. Alle ramen en däöre nog aeve aope, mer de tied om get frisse locht benne te laote is mer kort. De boor geuftj zien erwten water en oppe wei duit de rieë zich te good aan het verse graas. De hazen zeen auch al good actief en de familie nijlgans mét zien 7 jonge is auch al urges ongerwaeges. Zeen doon ich ze nog neet mer ich heur ze waal. Nog is het heerlik boete, mer det zal vlot verangere. En den opins det magisch moment det dae kaopere ploert baove de horizon oet kumptj. De themperatuur zal noe rap gaon oplaupe. Dus let ein bietje op elkaar vandaag, drink genog en probeer het hoofd keul te haoje. Nog ein paar daag en den is het weer aeve väörbie.....

19/06/2026

Hommels en klaproeaze.
Des echt get woea ich van kan geneete....!

19/06/2026

Oeps.....
Koabus waas de Letse paar daag ein bietje nerrig op mich. Mer ich wist ieërst neet woearom. En dus vroog ich det aan hem want det kin men altied het beste doon. Nou zaet hae, noe hubse waal ein noe bank väör op de doel gemaaktj, mer diese aan os belaofdj hubs steit d'r nog steeds neet. Oeps.. . Inderdaad. Dao haaje we het väörig jaor äöver omdet d'r toch dök al get aojer wanjelieërs naeve komme die nurges ins aeve kinne zitten. En dus ben ich ondanks die hets gister toch mer aan het werk gegaon. Want wat men belaofdj mot men auch doon. Noe kinne de wanjeliërs dus aan 2 kantje van de Craenestraot al ins aeve oetröste want auch Jan haet in de zandjskoel ein sjoean bank neergezatte.....!

17/06/2026

Het is wassindje maon momenteel. Op dit moment is zoget 10 procent van de rechterkantj van de maon weer te zeen. En de maon is noe neet allein. Vlak d'r baove sjitterdj oos buurplaneet Venus. Dit is echt eine biezunjer sjoeane samenstandj. Rondj middernacht zakken ze weer samen achter de horizon. En väör de miense die het vanaovindj gemistj hubbe, helaas... d'r is murge gein herkansing want de maon sjuuftj eedere daag ein flink stök op ten opzichte van de sterrenhemel. De kabouters in het hotel weite dit feilloos en gelökkig krieg ich van hun aaf en toe eine tip om omhoeag te kieke en neet alles te missen waat om os haen gebäördj....

09/06/2026

Het waas röstig bie het hotel. Kabouter Koeabus waas d'r ein paar daag tösse oet geknaepe. Woea haen det zei d'r neet. Bie toeval kwaam ich hem toch taege bie eine verre naef van hem. Wiltj g*e weite woea det waas? Kiek den hie mer ins.... https://www.youtube.com/watch?v=gj0G-9mM-FE

08/06/2026

Het is weer de tied van het jaor. De klaproeaze staon weer vol in bluu. Eedere daag gaon weer noewe aope. En de hommels die weite feilloos woea het lekkerste nog te haole veltj....

04/06/2026

Ich zeen ze komme, ich zeen ze gaon.
Ich vraog mich aaf, wannieër is det toch weer gedaon.
D'n eine haet nog mieër haost den d'n anger,
Auch al doortj het hoeagoet ein minuutje langer.
Hopelik geit de riekswaeg weer vlot aope,
En kumptj d'r gein verkieër mieër door oos buurt geslaope.
Ich zeen ze komme, ich zeen ze gaon,
Den pas kieërtj de röst weer truuk in oos bestaon....
MultiNaatje.

02/06/2026

Raegenwaer.
En det is sjoean want de natuur snakdje nao water. Tis eine sjoeane raegen zagte de miense vreuger. Fijn röstig, niks geit kapot door hoosbuien of hagel. Vanmurge waas Koeabus al drök bezig. Het waas echt zoea ein waer woea men letterlijk de bui zuut hange. En dus waerdje alle restanten van de wilgen die neet gebroektj woore om get van te vlechten nao benne gesleiptj. Ze zeen noe allemaol fijn klein gezaegdj. En det is komindje wintjer henjig.
Letst waas ins eine miens bie mich inne sjop. Zonne Hollenjer. G*e kintj die waal.... En dae vroog mich, meneer, hoe maakt U nu die kachel aan? Met een aanmaakblokje? Aanmaakblokjes.... pfff... Ich zégk nae. Met ein gazet, (die laes ich nog altied op pepeer en neet op eine tablet want dae brandj neet), dao doon ich ein hampel knoepe op, den get fien wilgetekskes d'r baovebop want die ruuke zoea lekker en vleege vlot inne fik, den eine zwaegel d'r aan en die is vertrokke. O ja, zei hae en kaek mich aan wie eine boetsauto. Mer mieër dörfdje hae mich sjienbaar toch neet te vraoge.....

Adres

Roggel

Website

facebook.com

Meldingen

Wees de eerste die het weet en laat ons u een e-mail sturen wanneer Insectenhotel "De Biezaak" nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.