26/08/2026
दुःख तथा समवेदना विज्ञप्ति
मिति: २०८३ भदौ १० गते
आज रसुवा जिल्लाको भोटेकोशी नदीमा आएको आकस्मिक भीषण बाढीका कारण टिमुरे, स्याफ्रुबेँसी, रसुवागढी तथा आसपासका क्षेत्रमा भएको जनधन तथा भौतिक संरचनाको क्षतिप्रति होटल पुष्प प्रा.लि. परिवार गहिरो दुःख व्यक्त गर्दछ।
यस प्राकृतिक विपद्का कारण प्रभावित हुनुभएका सम्पूर्ण दाजुभाइ, दिदीबहिनी तथा परिवारजनप्रति हार्दिक सहानुभूति प्रकट गर्दै, ज्यान गुमाउनुभएका सम्पूर्णप्रति भावपूर्ण श्रद्धाञ्जली अर्पण गर्दछौँ। साथै, सम्पर्कविहीन तथा विपद्मा परेका नागरिकहरूको यथाशीघ्र सुरक्षित उद्धार होस् र घाइतेहरूको शीघ्र स्वास्थ्यलाभको कामना गर्दछौँ।
यस दुःखद घडीमा उद्धार, राहत तथा खोजी कार्यमा खटिनुभएका नेपाली सेना, नेपाल प्रहरी, सशस्त्र प्रहरी बल, स्थानीय जनप्रतिनिधि, सुरक्षाकर्मी, स्वास्थ्यकर्मी, स्वयंसेवक तथा सम्पूर्ण सहयोगी हातहरूप्रति हार्दिक सम्मान तथा धन्यवाद व्यक्त गर्दछौँ।
भोटेकोशी तथा तल्लो तटीय क्षेत्रमा रहनुभएका सम्पूर्ण नागरिकलाई यस विपद्को अवस्थामा उच्च सतर्कता अपनाउँदै सुरक्षित स्थानमा रहन तथा सम्बन्धित निकायको निर्देशन पालना गर्न हार्दिक अनुरोध गर्दछौँ।
होटल पुष्प प्रा.लि. परिवार
पोखरा–६, लेकसाइड, पोखरा
