20/02/2024
ກວ່າຈະມີມື້ນີ້...
ຂອງປະທານທີ່ເຄົາລົບແລະນັບຖືຂອງພວກເຮົາ🙏
ເດັກບ້ານນອກຍາກຈົນ ທີ່ຮຽນຈົບພຽງແຕ່ ມ.2 ເລີ່ມສ້າງເນື້ອສ້າງຕົວຈາກ 0 ດ້ວຍການປູກຜັກຂາຍ ຄິດແຕ່ວ່າເຮັດແນວໃດຈື່ງຈະລວຍ ຈົນກາຍເປັນມະຫາເສດຖີໝື່ນລ້ານ ແຫ່ງ ສປປ ລາວ “ ສີທັດ ໄຊສຸລິວົງ” ຜູ້ກໍ່ຕັ້ງ ທະນາຄານເອສທີ
ທ່ານສີທັດ ໄຊສຸລິວົງ ປະທານສະພາບໍລິຫານ ທະນາຄານSTB ຈຳກັດ ແລະຜູ້ກໍ່ຕັ້ງທະນາຄານSTB ແລະເປັນນັກທຸລະກິດຜູ້ຊົງອິດທິພົນ Top 1 ໃນ 3 ຂອງ ສປປ ລາວ
ແຕ່ກ່ອນທີ່ຈະປະສົບຄວາມສຳເລັດ ໃນອາດີດກວ່າ 50ປີ ມີປະຫວັດຄວາມເປັນມາທີ່ໝ້າສົນໃຈ ເພາະເລີ່ມຕົ້ນເຮັດທຸລະກິດຕັ້ງແຕ່ອາຍຸ 20ປີ ຈາກການປູກຜັກຂາຍ ຈົນມີເງີນເກັບຕິດຕົວ 3,000฿ ໂດຍໃຊ້ເວລາກວ່າ 3 ປີ ໃນສະໄໝນັ້ນຈາກ 0 ບາດ
ຊ່ວງເວລາທີ່ຂາຍຜັກ ທ່ານສີທັດຄິດຢູ່ແຕ່ພຽງຢ່າງດຽວວ່າຈະເຮັດແນວໃດຕົວເອງຈື່ງຈະລວຍ ເຮັດໃຫ້ເບີ່ງການໄກ ເດີນທາງໄປທີ່ຈັງຫວັດອຸບົນ ເພື່ອໄປຊື້ເຄື່ອງວິທະຍຸແລະອາໄຫຼ່ໂມງໄປແປງ ສູ່ການການເລີ່ມຕົ້ນທຸລະກິດຮັບແປງວິທະຍຸແລະໂມງ ໂດຍໃຊ້ເງີນທືນຂອງຕົວເອງທີ່ມີພຽງ 3,000ບາດ ໃຊ້ເວລາກວ່າ 3ປີ ຈົນສາມາດມີເງີນເກັບ 30,000 ບາດ ແລະພາຕົວເອງໄປສູ່ເຈົ້າຂອງທຸລະກິດຮ້ານຄຳແລະເຈົ້າຂອງທຸລະກິດໂຮງເລື່ອຍໄມ້
ຈຸດເລີ່ມຕົ້ນ ທ່ານສີທັດ ຄອບຄອງຮ້ານຄຳ ດ້ວຍເງີນ 30,000ບາດ ເພາະຄິດວ່າຈະສາມາດເຮັດໃຫ້ຕົວເອງລວຍໄດ້ ໃຊ້ເວລາກວ່າ 3 ປີ ຈົນມີເງີນລ້ານ ແຕ່ເທົ່ານັ້ນຍັງບໍ່ພຽງພໍ ໃນສະໄໝນັ້ນການຄ້າຂາຍໄມ້ສ້າງເງີນໄດ້ດີກວ່າຂາຍຄຳ ທ່ານສີທັດ ເປີດທຸລະກິດໂຮງເລື່ອຍ ຈົນສາມາດເຮັດລາຍໄດ້ກວ່າ 40 ລ້ານບາດ ຈາກການສຳປະທານທີ່ໄດ້ໃນສະໄໝນັ້ນ
ຫຼັງຈາກນັ້ນ ທ່ານສີທັດ ຍັງເບີ່ງເຫັນໂອກາດໃນການເຮັດທຸລະກິດ Duty Free ເຊີ່ງເປັນຊ່ວງເວລາທີ່ຜົນປະກອບການທຸລະກິດຂາຍຄຳບໍ່ຄ່ອຍດີ ເຮັດໃຫ້ມາລົງທືນຂາຍເຄື່ອງຍົກເວັ້ນພາສີ ໃຊ້ເວລາພຽງ 3 ປີ ເຮັດໃຫ້ທ່ານສີທັດປະສົບຄວາມສຳເລັດ ສ້າງທຸລະກິດ 100 ລ້ານ ໃນໄວພຽງ 30 ກວ່າປີ
ຈາກຄວາມຈົນ ສູ່ຄວາມຝັນທີ່ຈະລວຍ ໄດ້ສ້າງຕົວເອງຈົນປະສົບຄວາມສຳເລັດອີກຫຼວງຫຼາຍ ເພາະທ່ານສີທັດບໍ່ຢຸດທີ່ຈະພັດທະນາຕົວເອງ ເຮັດທຸລະກິດອື່ນໆ ໄດ້ແກ່ ທຸລະກິດໂຮງແຮມ,ທຸລະກິດເຂື່ອນ(ຜະລິດໄຟຟ້າ) ແລະທຸລະກິດທະນາຄານ ໂດຍແນວຄິດທີ່ໜ້າສົນໃຈໃນການເລີ່ມຕົ້ນທຸລະກິດທະນາຄານ ຄືທ່ານສີທັດ ຕ້ອງການເກັບເງີນຂອງຕົວເອງກວ່າຮ້ອຍລ້ານ ແຕ່ບໍ່ຢາກເກັບໄວ້ນຳຄົນອື່ນ ຖ້າເກັບໄວ້ນຳຕົວເອງແລ້ວໄດ້ດອກເບ້ຍນຳກໍ່ໜ້າຈະດີ ເລີຍເປັນທີ່ມາຂອງການເປັນເຈົ້າຂອງທຸລະກິດທະນາຄານ
ນອກຈາກນີ້ທ່ານສີທັດ ຍັງໄດ້ຮ່ວມເຮັດທຸລະກິດພັດທະນາປະເທດ ເປັນທຸລະກິດໂຮງງານຢາສູບ ທີ່ຮ່ວມກັບລັດຖະບານ ກັບໜ່ວຍງານຕ່າງປະເທດຢ່າງອັງກິດ ແລະຟຣັ່ງເສດ ອີກດ້ວຍ
ປັດຈຸບັນທ່ານສີທັດ ໄດ້ເຮັດທຸລະກິດກວ່າ 50ປີ ໂດຍໄດ້ກ່າວເຖິງແນວຄິດໃນການເຮັດທຸລະກິດວ່າ “ເວລາຈົນຕ້ອງບໍ່ເລືອກວຽກ ຕ້ອງດຸໝັ່ນ ມີຄວາມຊື່ສັດ ປະຫຍັດ ຕ້ອງພັດທະນາຕົວເອງໄປເລື້ອຍໆ ຈົນມື້ໜື່ງເຮົາຕ້ອງລວຍ” ຖ້າມື້ໜື່ງຄິດວ່າ “ຈົນ” ມື້ໜຶ່ງກໍ່ຕ້ອງຄິດວ່າ “ລວຍ” ແລະນີ້ຄືຄຳກ່າວຂອງບຸລຸດທີ່ເລີ່ມຕົ້ນຈາກ 0 ແລະກາຍເປັນນັກທຸລະກິດໝື້ນລ້ານ ເຮັດທຸລະກິດທີ່ສຳຄັນແລະພັດທະນາປະເທດຊາດໄປຮ່ວມກັນ
Ref :ອາຍຸນ້ອຍຮ້ອຍລ້ານ
_______________________________________
ຂ້ອຍເຊື່ອວ່າ “ຄົນເຮົາສາມາດສ້າງທຸລະກິດໄດ້ແມ່ນວ່າມື້ນີ້ຈະບໍ່ມີເງິນທຶນແມ່ນແຕ່ກີບດຽວ” ເລີຍກໍ່ຕາມ ຂໍພຽງມີຄວາມຮູ້ ເພາະ “ຄວາມຮູ້” ຄືສິ່ງດຽວທີ່ຈະປ່ຽນຊີວິດເຮົາໄດ້
ກົດຕິດຕາມເພຈ #ຄົນສຳເລັດ ເອົາໄວ້ເພື່ອບໍ່ພາດ “ຄວາມຮູ້ດີໆ” ທີ່ຂ້ອຍຈະເສີບໃຫ້ເຈົ້າທຸກໆມື້
_______________________________________
ຂຽນໂດຍ #ຄົນສໍາເລັດ #ສັງຄົມຄົນສ້າງຕົວເອງຈາກສູນ
![[English below ]ອາຫານຄ່ຳທີ່ແສນພິເສດ ແລະ ໂຣແມນຕິກສຳລັບຄູ່ຮັກທີ່ແສນຫວານ👩❤️👨ພວກເຮົາໄດ້ຈັດສັນວັດຖຸດິບຢ່າງດີ, ມີຄວາມຫຼາ...](https://img4.hotels1000.com/125/314/350177251253141.jpg)
