17/12/2025
MANINONA ATY AMITSIKA, REHEFA MATAVY IANAO DIA MIHEVITRA NY OLONA FA MIHINANA TSARA IANAO?
Raha vao miha boda dia mitehaka ny rehetra hoe: "Mihinana matsiro izy, manam-bola, tafita!" Ary rehefa miha mahia ny fitsaran'ny olona eo no ho eo dia hoe: "Oh! marary izy, kikina, rodana, na voan'ny SIDA..." Mampihomehy🤣. Ny tena olana? Tsy ny anjaranao, tsy ny tsenan'asa, tsy ny fototarazonao. Fa izay nampidirinao ao amin'ny vatanao isan'andro.
Jereo ny manodidina anao. Ny maraina, dia ranom-boankazo vita amin'ny siramamy, m**o lafarina, dobera, sakafo feno akora simika;
Amin'ny mitataovovonana dia vary fotsy, paty, saosy indostrialy efa vita, menaka voahodina, hena amboarina feno hormonina;
Amin'ny tolakandro dia tsakotsako cookies, chips, soda ary ranom-boankazo voatahiry ela;
Ny hariva dia mialina sakafo saosy mavesatra, sakafo mangatsiaka averina afanaina...
Dia ianao indray no manontany tena hoe nahoana no mibontsina tahaka ny baolina ny kibonao ary nahoana ianao no tsy mahazo matory tsara.
Ny vatanao io, tsy misangy io. Ireo siramamy rehetra natelinao, ireo tavy nampidirinao ny vavanao, ireo akora simika nohaninao—tsy maintsy miatrika izany ny aty sy ny sarakaty. Amin'ny voalohany dia tsy mahatsapa na inona na inona ianao. Saingy tsikelikely dia miha tsentsina ny fonao, voasakana ny lalan-drà, miakatra ny tosidra, tsy voafehy intsony ny siramamy ao amin’ny rà. Reraka ny voa. Lasa matavy ny aty. Mihena ny fitadidianao. Mihena ny fihetseham-ponao. Ary mbola mino ianao fa ny sakafo voahodina = fiainana maoderina = fahombiazana.
Ary fantatrao ve? Tsy ny lanja ihany. Ny fahasalamanao no kilan'ny afo. Ara-dalàna ve ny mahatsiaro reraka mandritra ny andro? Tsia. Ny siramamy sy ny tavy ary jabora no mandany ny herinao. Manao toy izany koa ny zanakao: biscuit, coca, bombon… ary mitaraina ianao fa miha bado ny zanakao, ka tsy mandray sy mihaino izy any am-pianarana. Hitanao ve ny fifandraisana?
Manafika ny rehetra ny vokany. diabeta. Tosidrà. Aretim-po. Fahazazana matavy loatra. Aretin'aty. Fahamombana. Na ny homamiadana mifandray amin'ny sakafo aza. Ary tsy rahampitso izany aretim-be izany fa ankehitriny, io iainatsika izao io.
Fahiny, ny raibe sy renibetsika dia niaina ela tamin'ny sakafo madio sy tsotra toy ny ampemby, hanin-kotrana, mangahazo, anana, legioma, trondro ary voankazo teto an-toerana.
Amin'izao fotoana izao dia manolo izany rehetra izany amin'ny vokatra avy any ivelany, voahodina, feno sira, siramamy, menaka indostrialy, ary fitahirizana simika.
Ary avy eo mitaraina isika fa tsy manana hery ny tanorantsika, tsy maharitra ela amin'ny firaisana ara-nofo, mitambotsitra ny fo amin'ny faha-50 taonany, lasa namantsika akaiky ny dokotera.
Inona àry no azontsika atao? Andao hiverina amin'ny fototra:
Mihinana tena sakafo natoraly ara-pahasalamana: anana, voankazo, trondro, hena mahia. Ahena ny siramamy, ny zava-pisotro voahodina, ary ny sakafo navaingana.
Manaova fanatanjahan-tena: mandeha, mihazakazaka, mandihiza, mampihetsika vatana. 30 minitra isan'andro dia tsara kokoa noho ny tsy misy.
Henoy ny vatanao: pataloha miha tery, sempotra, havizanana foana = famantarana fampitandremana.
Atsaharo ny miafina ao ambadiky ny hoe "Mihinana toy ny olon-drehetra aho" na "manara-damaody." Tsy kitapo ny vatanao; andry ny fiainanao izany. Raha omenao zavatra simika foana izy dia hovidianao lafo izany: aretina, fidorohana fanafody, tsy fahafahana miasa, adin-tsaina tsy tapaka.
Rehefa mahita olona be kibo sy jus eny an-tanany ianao amin'ny manaraka, dia aza miteny hoe: "Tafita izy." Lazao aminy hoe: Jereo ny fonao, jereo ny hoavinao. Manaova hetsika dieny mbola tsy tara. Ary raha ianao no mihinana sakafo simika isan'andro dia manaova hetsika dieny izao. Tsy rahampitso. Fa izao dia izao.
Izaho no MPAMPIHATRA 🔥 🔥 💣
Ny fahasalamana no hany harena mamela anao ho lava andro iainana hahitana ny zanakao sy ny zafikelinao mihalehibe.
