Die huis beskik oor 3 slaapkamers, 1 badkamer, ’n oopplan-kombuis en -sitarea wat deurloop na 'n lieflike binnebraai area. Hierdie onthaalarea het 'n tafel met sitplek vir 6 persone. Daar is ook 'n buite wasbak om die vangs van die dag skoon te maak. Beddegoed word voorsien maar gaste moet asb. net hul eie bad- en swemhanddoeke saambring. Die kombuis is ten volle toegerus vir selfsorg met ’n stoof, oond, yskas-vrieskas, mikrogolfoond, eetgerei en breekware, sowel as ’n wasmasjien en skottelgoedwasser. Die sitarea is lekker ruim. Kinders kan hulle geniet by die waterglybaan en putt-putt baan wat die oord bied. Die huis is ook loopafstand na die strandmeer. Die vakansieoord het sy eie geriefswinkel en dit is net 'n absolute plesier om 'n lekker vakansie en gesinservarings hier saam te geniet. Die huis het diefwering, en veiligheidsligte buite en 'n skuifhek, sowel as 'n alarmstelsel wat help om die eiendom te beveilig. Die oord het ook 24 uur-sekuriteit en is toeganklik met toegangsbeheer. Twee voertuie per perseel word toegelaat, en daar sal ’n fooi op ekstra voertuie in die oord gehef word. Daar kan vir ekstra voertuie by die oord se ontvangs gereël word en ongelukkig word troeteldiere nie toegelaat nie.