Breede Escape

09/06/2026

Hierdie is vir my so mooi ! Ek het beslis 'n " yellow " man !

08/06/2026

Breede Escape neem vorm aan in daardie jare met rietdakke, pale, bamboese, baie riete en tuisgemaakte meubels. Ons ontvang ons eerste gaste daar steeds sonder elektrisiteit, maar die paraffienlanterns gee 'n ouwêreldse atmosfeer. Die gaste geniet dit ! Meeste van ons kliënte het nog nie selfone gehad nie. Boskamp 1 ( later genoem die HutKamp ) maak sy deure oop vir gaste en die bal is aan die rol ! 🛖

08/06/2026

Ek d**k dit was in 1994 wat ons die bouwerk by die rivier begin het ! En as jy jonk is en nog nie veel het nie ontgin jy maar dit wat jy het. Ons vra 'n paar boere in die area om riete te sny op hul plaas en sny natuurlik ook op ons eie plaas. Ek d**k jy kan 'n riet net elke drie jaar sny en ook nie te jonk nie, ook net sekere tye van die maan ! Die vrouens op die plaas help ons om riete skoon te maak en die manne begin die eerste struktuur opsit. Ons droom begin vorm aanneem. Elke g*t is met die hand geboor omdat daar nog nie 'n kragpunt by die rivier was nie. En natuurlik ook geen kragopwekker nie. 🛖

07/06/2026

Die wagtyd is nie noodwendig sleg nie en dit wat met Breede Escape gebeur het is nie noodwendig sleg nie. Dit is 'n tyd vir nuwe planne, nuwe rigting, uitsorteer en weer begin ! 'n Tyd van chaos maar ook 'n tyd van orde. Ons glo daar gaan nog meer mooi en goed hieruit kom ! Kom besoek asb vir Bonnievale in hierdie post vloed tyd, dit is steeds mooi soos altyd ! Die klein dorpie het jul nodig, maar sal julle dalk verras 🍴☕️🍰🍺🔪🏡

06/06/2026

Ons maak die sprong, gooi Hoopoe Trails af, dollie die Hoopoe Cottage op en begin Breede Escape se eerste rivierkamp bou. 🌸 Die naam The Painted Lady ( vanaf die Bergpypie ) is gekies omdat ek lus was vir verf. Die verwery was 'n " trend " in daardie tyd en met 'n baba van onder 'n jaar op die heup, het ons die projek aangepak. 🌸 Een van die foute wat ons gemaak het was om twee name te gebruik in bemarking, Breede Escape en The Painted Lady ! Maar hoe dit ook al was, ons het die bal behoorlik aan die rol gesit ! 🌸 Dit was BAIE opwindend vir ons !! En weereens Ma Helena se kunstige hand op papier wat die blommetjie teken om in bemarking te gebruik. Dankie Ma...🌸

05/06/2026

05/06/2026

Vanmiddag was baie mooi by die rivier ! Die nuwe landskap en nuwe voëllewe stel nie teleur nie. Ons het al begin met skoonmaakwerk en beplanning. Dit is egter 'n wagtyd vir ons en baie ander wat deur die vloed geraak is. Baie besighede is egter weer oop en verwelkom weer toeriste en kliënte met ope arms. Kom kuier gerus in die Bonnievale area !🌳

05/06/2026

Men are just boys, they just change their toys !?