19/10/2026
Ons het nou al die bome klaar geplant wat ons graag wou plant ! Daar is nog heelwat ander plante wat ons met verloop van tyd sal plant.🌳 Ons boomlys is sorgvuldig gekies. Elke boom het unieke werk om te doen en baie soorte was nog nooit voorheen op hierdie plaas gevestig nie. Ons sien so uit daarna om hul groei en vorming te sien ! 🌳 Op die boomlys is die Kaapse kastaïng en die Kaapse wilg. Daar is ook die Witstinkhout, die Witolyfhout, die Witkaree, die Wit ysterhout en die Witolien. Daar is die Waterboom, die Waterpeer en die Waterbessie. Beide die Breërivier geelhout en die Outeniekwa geelhout is daar. Ander bome wat die pad gevind het plaas toe is die Vaderlandswilge, die Rooielse, die Assegaaie, die Essenhoute, die Wildeperskes, die Apiesdorings, die Swartoliene, die Kasure, die Boekenhoute, Swartkarees, die Melkhoute, die Soetdorings, die Papierbasse, die Koorsbome, die Wildevye en die Sandoliene ! 🌳Moenie bekommer nie, ons het nie die doringbome geplant waar mense gaan kamp nie 😃 🌳Mag vele kampeerders en natuurliefhebbers nog hierdie bome geniet en in hul skaduwee kom sit by Breede Escape !
